Deputeti Myslim Murrizi akuzoi, të hënën, shumicën socialiste dhe opozitën se kanë bashkëpunuar në 30 vitet e fundit, në kurriz të qytetarëve.
Duke folur në Kuvend, Murrizi tha se PS-PD-LSI kanë nënshkruar marrëeshje për të mbajtur njëri-tjetrin në pushtet. Sulmet mes tyre, Murrizi i quajti ‘lojëra të kota’.
Deputeti listoi disa nga marrëveshjet e përbashkëta mes shumicës e opozitës, ku sipas tij, të humburit janë qytetarët:
- Ndryshimet e Kodit Zgjedhor në vitin 2008, duke i hequr të drejtën shqiptarëve të zgjidhnin deputetin e tyre, dhe të zgjedhin vetëm partitë;
- Marrëveshja e 17 majit 2017;
- Marrëveshja e 14 janarit për formimin e Këshillit Politik për reformën zgjedhore.
Myslim Murrizi ka deklaruar më parë se partia e tij, Lëvizja Demokratike Shqiptare, do të shkojë e vetme në zgjedhje dhe nuk do të bëjë koalicion me asnjë parti politike.
