Aktivitetet elektorale të PS do të ndalen në shenjë zie për vdekjen e deputetit Bashkim Fino.
Lajmin e bëri të ditur kryeministri Edi Rama, i cili shkruan në Facebook:
“E pabesueshme, po shumë fatkeqësisht e vërtetë, miku im, miku ynë i mirë Bashkim Fino nuk jeton më! Nuk kam fjalë.
Sot për familjen tonë të madhe është një ditë zie, aktivitetet tona elektorale do të ndalen në nderim e kujtim të vëllait tonë të dashur”
Fino u nda nga jeta mëngjesin e së hënës, për shkak të Covid19.
Ai ishte shtruar në spital por nuk ja doli të fitojë këtë betejë me virusin.
