Më 14 gusht 2015, Kryebashkiaku Erion Veliaj mori vendimin për lirimin e hapësira publike të zaptuara në mënyrë të paligjshme. Policia bashkiake organizoi disa aksione radhazi kundër tregtarëve ambulantë.
Produktet e konfiskuara nga Policia Bashkiake u dorëzuan pranë Drejtorisë së Përgjithshme të Rezervave Materiale të Shtetit.
Më 17 maj, Këshilli i Ministrave miratoi vendimin për rregullat e ankandit publik. Ky vendim parashikohen organizimin e ankandit pa shpallje paraprake për “mallrat e konfiskuara”, kryesisht për “shitjen e gjësë së gjallë” dhe “shitjen e mallrave të konfiskuara (fruta, perime, bulmet, mish dhe çdo gjë e këtij lloji) që ndryshojnë natyrë në një periudhë relativisht të shkurtër kohore “.
Megjithëse shpallja e ankandit nuk do të bëhet publike, “afati minimal për dorëzimin e ofertave në këtë procedurë është tre ditë nga data kur ftesa për oferta është dërguar kandidatëve.”
Mbetet e paqartë arsyeja e mbajtjes “sekret” të ankandit si dhe mënyra se si do t’i përzgjedhë qeveria kandidatët konkurues.
Pra, dy vjet pas aksionit kundër shitësve ambulantë qeveria ka vendosur të shesë produktet e konfiskuara në mënyrë të dyshimtë dhe aspak transparente.
