Sot, me 21 dhjetor do të nisë festivali i këngës shqiptare, i cili do të vazhdojë për tre ditë më rradhë.
Në garë do të jenë 25 artistë nga të cilët një do të përzgjidhet për të përfaqësuar Shqipërinë në Eurovision.Festivali do të mbahet në një ambient të hapur mbrapa stadiumit kombëtar Air Albania. Festivali gjithashtu do të përcjellë mesazhe nga mjekë, persona me nevoja të veçanta, vullnetarë të Kryqit të Kuq.
Organizatorët e festivalit njoftuan në korrik se festivali do të zhvillohej pavarësisht pandemisë.
Fituesja e vitit të kaluar, Arilena Ara do të shkonte në Roterdam për Eurovizionin e këtij viti, por festivali u anulua për shkak të pandemisë. Kjo do të thotë që ajo nuk ka mundësi të realizojë ëndrrën e saj në Eurovizion me këngën e saj “Shaj”. Tani, pasi Festivali do të zhvillohet në dhjetor, do të zgjidhet një këngë e re për Eurovision.
Festivali i Këngës është një konkurs vjetor i muzikës së lehtë i organizuar nga RTSH. Jo vetëm që është një ekspoze e talenteve shqiptare, por përcakton përfaqësuesin në festivalin europian Eurovision. Ajo zhvillohet çdo vit që nga viti 1962. Filloi transmetimin e parënë radio dhe përparoi duke kaluar në televizion ndër vite
Konkursi i parë u fitua nga Vace Zela me këngën e quajtur ‘Fëmija i Parë’. Gjatë komunizmit, muzika ishte rreptësisht neutrale dhe e lehtë. Me kalimin e kohës u bë një mjet propagandistik për partinë komuniste.
Më 1972, diktatori Enver Hoxha persekutoi organizatorët e festivalit dhe i shpalli ata “armiq të popullit”. Ata u akuzuan për përfshirjen e “aspekteve imorale” në këngë dhe valle. Pas kësaj, Partia Komuniste vendosi sanksione dhe censurë të rreptë në konkurs duke përfshirë llojin e muzikës, vallëzimin, tekstin dhe veshjen.
