Pavarësisht kërkimeve shkencore, nuk ka asnjë garanci se shkencëtarët do të mund të zbulojnë vaksinën kundër Covid-19.
Këtë deklaratë e bëri kreu i Organizatës Botërore të Shëndetësisë, Tedros Adhanom Ghebreyesus gjatë një takimi virtual me Komitetin për Shëndetësi të Parlamentit Evropian.
Ai u shpreh:
“Është shumë e vështirë të thuhet me siguri se do të kemi vaksinë. Kurrë nuk kemi pasur vaksinë për koronavirus. Kjo, kur të zbulohet, me shpresën se do të zbulohet, do të jetë e para.”
Aktualisht më shumë se 100 vaksina po studiohen dhe provohen nga shkencëtarët dhe mjekët në gjithë botën.
