Një prokuror italian bëri thirrje zyrtarisht të shtunën që udhëheqësi i krahut të djathtë Matteo Salvini të gjykohet për rrëmbimin për shkak të vendimit të tij për të ndaluar se më shumë se 100 migrantë të hynin në vend në 2019.
Vendimi i Salvinit i la migrantët në det derisa prokurorët urdhëruan sekuestrimin e anijes dhe evakuimin e njerëzve.
“Jam krenar që kam punuar për të mbrojtur vendin tim, duke respektuar ligjin, duke zgjuar Evropën dhe duke shpëtuar jetë. Nëse kjo do të më shkaktojë probleme, unë me kënaqësi do t’i marr përsipër”, shkroi Salvini në Facebook.
Gjatë 14 muajve të tij si ministër i brendshëm, Salvini ndaloi disa anije me emigrantë të zbrisnin në Itali në një përpjekje për të ndaluar emigrantët.
Ai rregullisht akuzoi organizatat bamirëse të shpëtimit të migrantëve për inkurajim e trafikut të emigrantëve të paligjshëm. Ai mund të përballet me 15 vjet burg nëse shpallet fajtor në fund të një procesi gjyqësor.
Open Arms, shoqata bamirëse e emigrantëve e mbështeti padinë e prokurorit. “Shkelja e të drejtave të njeriut në nevojë është një krim në çdo vend demokratik,” shkroi në Twitter, organizata.
