Pasi justifikoi dhunën e policisë ndaj 15 vjeçarit, Ardi Veliu ndihet i gjykuar padrejtësisht

Pasi justifikoi dhunën e policisë ndaj 15 vjeçarit, Ardi Veliu ndihet i gjykuar padrejtësisht

Drejtori i Përgjithshëm i Policisë, Ardi Veliu ka justifikuar policin që u filmua duke dhunuar një 15 vjeçar.

Veliu publikoi një video të mamasë së viktimës për të treguar “se nga çfarë familje vjen ky djalë.”

Pamjet tregojnë mamanë e 15 vjeçarit, Zaida Çobo që i vendos pistoletën në kokë një zonje.

“Kjo është mamaja e djalit me pistoletë në dorë. Jua tregova për të thënë se nga çfarë familje vjen ky fëmijë, sa i edukuar është. Tek e fundit policia si gjithmonë bëhet viktimë” – tha Veliu.

Por Zaida Çobo tha për ABC News se skena me pistoletë ka ndodhur gjatë xhirimit të filmit “Dashuria s’mjafton” të regjisorit Drilon Hoxha.

Partia Demokratike kërkoi shkarkimin e Veliut pas publikimit të videos. Ish-deputetja e PD-së, Orjola Papmuri e quajti ‘dhunim për herë të dytë të viktimës’ deklaratën e Veliut.

Por kreu i policisë e quajti “deformim të nxjerrë jashtë konteksti” atë që po i bëhet mesazhit të tij.

“Kam bërë një ilustrim të idesë se nuk mundet të fajësohet gjithnjë e vetëm punonjësi i Policisë duke u kapur pas një fotoje të rastit, pa konsideruar tërë kontekstin e një situate,” – shkruan Veliu.

Në fakt denoncimi u bë me video, jo foto. Policia e Shtetit dukshëm dhunon fizikisht 15 vjeçarin në këtë video. Ndërsa Veliu bëri publike videon e mamasë së viktimës në Komisionin e Sigurisë për të treguar “edukatën e tij”.

Pavarësisht kësaj, Drejtori i Përgjithshëm i Policisë e quan veten të keqkuptuar. Madje, paaftësinë e tij për t’u shprehur saktë, nuk e sheh si arsye të mjaftueshme për t’u gjykuar nga qytetarët.

8 komente

  1. Ana 30 Maj, 2020 në 11:30 am

    Pra, Z. Veliu vertetoi perse egzistojne kaq shume shaka per policet. Nuk tha asnje fjali te sakte, nuk kerkoi asnjehere falje dhe nuk mori asnje pergjegjesi persiper per sjelljen e turpshme te punonjesve te tij. Dhe qershia mbi torte ishte viedoja, nje zakon kaq i shemtuar qe na ktheu shume vite pas edhe neve qe nuk e kemi perjetuar tmerrin e nderhyrjes dhe me pas perbuzjes se jetes private nga autoritete (qe intelektualisht qendrojne poshte Shqiptarit mesatar). Policet duhet fillimisht te kalojne klasen e gjuhes Shqipe dhe me pas te njihen me te drejtat e njeriut, te cilat supozohet t’i garantojne. Pas ketyre te dyjave mund te diskutojme per heqejen e barkut.

Adresa juaj e emailit nuk do bëhet publike.

Lajme te ngjashme