Përfaqësuesja e Partisë Demokratike Grida Duma akuzoi të premten qeverinë se bën propagandë me rindërtimit por ka familje që nuk kanë përfituar edhe pse kanë aplikuar.
Duma tha se “ndihmat pushteti lokal dhe qendror i ndan aty ku ka interes politik dhe se bashkia nuk përgjigjet për asnjë qytetar”.
Ajo e akuzoi qeverinë se mashtron dhe se këtë e bën vetëm për një qëllim “që të marrin taksat e qytetarëve”.
Duma postoi një video në Facebook ku banorët i thonë se “ janë ankuar se nuk kanë marrë asnjë ndihmë dhe pse kanë shkuar në bashki”.
