PD akuzon qeverinë se përdori fondet e rindërtimit për përfitime zgjedhore

Nga Exit News
PD akuzon qeverinë se përdori fondet e rindërtimit për përfitime zgjedhore

Partia Demokratike ka akuzuar qeverinë dhe kryeministrin Rama se ka përdorur fondet e rindërtimit në zonat e prekura nga tërmeti për përfitime zgjedhore gjatë dy muajve të fundit para zgjedhejve të 25 prillit.

Në një konferencë për shtyp, përfaqësuesi i PD, Oerd Bylykbashi tha se bashkitë e zonave të prekura nga tërmeti kanë rritur në mënyrë fiktive vlerën e dëmeve të shkaktuara nga tërmeti.

“Edi Rama në bashkëpunim me të emëruarit e tij në bashkitë e Durrësit, Tiranës, Kavajës, Kamzës, Lezhës, Rrogozhinës, Vorës, Krujës, Laçait dhe Mirditës ka shpërndarë 40 milion euro edhe 2 ditë përpara datës së zgjedhjeve”, tha ai.

Bylykbashi u shpreh se objektet e vlerësuara më parë në kategorinë e dëmtuar DS1 janë rivlerësuar si DS2, dhe atë të vlerësuara DS2 janë rivlerësuar DS3, ç’ka rrit dhe vlerën e parave që ato përfitojnë nga qeveria.

“Gjatë 2 muajve të fundit Rama miratoi 20 VKM për të lejuar disbursimin e paligjshëm të këtyre shumave marramendëse në llogaritë e qytetarëve të targetuar nga makineria qeveritare e manipulimit të votës”, deklaroi ai.

Sipas Bylykbashit, gjatë muajt Mars qeveria ka disbursuar nga fondi i rindërtimit 14 milionë euro dhe 26 milionë euro gjatë muajt prill.

“Vetëm gjate javës zgjedhore Bashkia e Durresit ndau 6 milion euro për procesin e rindërtimit, 89 herë më shumë se sa ka shpërndarë në 15 muajt e fundit”, shtoi përfaqësuesi i PD-së.

LEXO  Lleshaj: Bashës i rrezikohet jeta

Bylykbashi vuri në dukje se qeveria ndalohet të përfshihet në veprimtari të influencimit të votës me fonde publike 4 muaj para zgjedhjeve. Ai nënvizoi se prokuroria nuk ka nisur asnjë hetim për këtë çështje.

Adresa juaj e emailit nuk do bëhet publike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>