PD dhe LSI kërkojnë mbledhjen e Këshillit Politik më 23 korrik

Nga Exit News
PD dhe LSI kërkojnë mbledhjen e Këshillit Politik më 23 korrik

PD dhe LSI ka kërkuar që Këshilli Politik të mblidhet nesër, 23 korrik, me një axhendë të ndryshuar, duke refuzuar kërkesën e kryeministrit për tu mbledhur, sot, më 22 korrik.

Sipas emailit të opozitës, PD dhe LSI i propozojnë Këshillit Politik të diskutojë për:

1 —  Blerjen e votës;

2 — Presionin ndaj votuesve dhe administratës publike;

3—  Keqpërdorimin dhe abuzimin me administratën publike;

4— Marrëveshjet e fshehta me grupet kriminale;

5— Lirinë dhe sekretin e votës; dhe

6— Manipulimin dhe falsifikimin e rezultateve zgjedhore.

Kryeministri Edi Rama i ftoi përfaqësuesit e dy partive të opozitës të mblidhen sot, në orën 17:00 në Këshillin Politik për të diskutuar mbi ndryshimet kushtetuese, hapjen e listave.

Të mërkurën me 23 korrik, Kuvendi pritet të miratojë marërveshjen e PS, PD, LSI dhe Rudina Hajdarit të dakordësuar më 5 qershor.

Ndërsa, më 21 korrik, Rama dhe përfaqësuesit e deputetëve në parlament u dakordësuan për miratimin e ndryshimeve kushtetuese më 30 korrik.

PD dhe LSI janë shprehur kundra ndryshimeve kushtetuese. Sipas tyre, hapja e listave ka për qëllim ndalimin e koalicioneve dhe shkel marrëveshjen e 5 qershorit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>