PD do të ankimojë vendimin e Komisionerit Publik për kryebashkiakun e Mallakastrës

PD do të ankimojë vendimin e Komisionerit Publik për kryebashkiakun e Mallakastrës

Përfaqësuesi i Partisë Demokratike, Belind Këlliçi bëri me dije se kjo forcë politike do të ankimojë vendimin e Komisionerit  Publik për konfirmimin e kryetarit të bashkisë Mallakastër.

Ai e konsideroi vendimin si goditje politike ndaj ligjit të dekriminalizimit.

“Vendim i Ilirjan Celibashit për të mbajtur në kundërshtim me ligjin një person të dënuar në krye të Bashkisë së Mallakastrës, është tregues i një vullneti të mbrapshtë politik për të goditur ligjin më të rëndësishëm të Republikës tonë, atë të Dekriminalizimit,” u shpreh Këlliçi të premten në një deklaratë për shtyp.

Sipas tij, vendimi bie ndesh me preçedentët e mëparshëm, ku KQZ-ja ka shpallur pavlefshmërinë e mandateve për Dashamir Tahirin, Aqif Rakipit dhe Gledion Rahovicën.

Edhe në këto raste, sipas Këlliçit, bëhej fjalë për të dënuar apo hetuar jashtë vendit, të pa deklaruar në formularin e dekriminalizimit, që kanë pretenduar se nuk kanë patur djeni çështjet kundër tyre.

Këlliçi shtoi se masakra zgjedhore e 25 prillit, ku “politika dhe krimi bashkëvepruan për të penguar nëpërmjet çdo paligjshmërie ndryshimin”, tregoi se ligji i dekriminalizimit duhet të forcohet më tej, jo të shkelet.

Komisioni Qendror i Zgjedhjeve la në detyrë kryebashkiakun e Mallakastrës Qerim Ismailaj, të premten. Ismailaj rezultoi i dënuar me 3 vite burg në Greqi, për rrahje, pas verifikimit të Prokurorisë së Përgjithshme.

Vendimi i KQZ-së u bazua në vlerësimin e Prokurorisë, sipas të cilit personi duhet të ishte dënuar me gjobë sipas ligjit shqiptar.

LEXO  Basha akuza Ramës: 8 vjet propagandë e dështim

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>