PD kundërshton përjashtimin e gazetarëve nga mbledhjet e komisioneve në Kuvend

Nga Exit News
PD kundërshton përjashtimin e gazetarëve nga mbledhjet e komisioneve në Kuvend

Partia Demokratike e quan antidemokratik dhe antikushtetues vendimin e parlamentit për të mos lejuar punonjësit e medias në sallat e mbledhjes së komisioneve parlamentare kur këto të fundit janë duke punuar.

Deputetja e zgjedhur e PD, Albana Vokshi ka akuzuar Kuvendin se ka marrë një vendim pa transparencë që sipas saj synon të censurojë median.

Kuvendi ka vendosur përjashtimin e mediave nga seancat dhe mbledhjet e komisioneve duke filluar nga muaji shtator. Punonjësit e medias do të mund t’i ndjekin mbledhjet e komisioneve në monitorë nga një dhomë e veçantë përmes regjisë së Kuvendit.

“Vendimi që pengon gazetarët në punën e tyre të informimit me transparencë dhe paanësi të publikut, i pari i këtij dimensioni pas 30 vitesh parlamentarizëm, është marrë në mungesë të plotë transparence nga parlamenti monopartiak me opozitën e emëruar”, deklaroi Vokshi gjatë konferencës dyditore për fushatën zgjedhore dhe komunikimin që Lidhja Demokratike e Gruas Shqiptare po e organizon në bashkëpunim me fondacionin suedez “Jarl Hjalmarson Foundation”.

Voshkshi shtoi se PD do të përpiqet të zhbëjë këtë vendim të Kuvendit.

“Kuvendi i Shqipërisë është zemra e një demokracie[…]por ai do të pushojë së rrahuri plotësisht, nëse media detyrohet të shohë me sytë e pushtetit dhe të flasë me gojën e një pushteti të vjedhur!” tha ndër të tjera Vokshi.

Adresa juaj e emailit nuk do bëhet publike.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>