Partia Demokratike e akuzoi qeverinë se përmes vendimeve për investime dhe rritje pagash ka deformuar votën e zgjedhësve në Gjirokastër në 25 prill.
Në argumentimin e kërkesës ankimore, PD listoi edhe vendimin e qeverisë për rritjen e pagave dhe infermierëve apo rritjen e fondit të investimeve për bujqësinë.
Gjithashtu, PD akuzoi ministrin Bledi Çuçi për bashkëpunim me krimin e organizuar. “Drejtuesi i fushatës ishte Arianit Arapi ish-shefi i policisë i akuzuar për lidhje me Emiljano Shullazin”, u shpreh avokati i PD-së.
PD argumentoi se:
Kandidatët e PS-së promovuan investime publike në periudhën para zgjedhjeve.
Ministrat vazhduan me angazhimet e tyre gjatë fushatës duke u shfaqur me maska dhe bluza me numrin 12.
Nëpunësit civilë u vendosën në presion për të mbështetur PS në të kundërt do të shkarkoheshin nga puna.
Punësimi në sektorin publik u rrit ndjeshëm.
Emigrantët dhe të infektuarve me COVID iu mohua e drejta e votimit.
Modeli i fletëve të votimit me numra dhe jo me emra solli një numër të madh fletësh të pavlefshme. Qytetarëve u mbeti një kohë e shkurtër për të mësuar praktikat e votimit.
