Përmbytjet në Lezhë, PD: Rrezikohen banorët, të veprohet më urgjencë

Nga Exit News
Përmbytjet në Lezhë, PD: Rrezikohen banorët, të veprohet më urgjencë

Partia Demokratike i ka bërë të premten thirrje qeverisë që të veprojë me urgjencë për situatën e krijuar në Lezhë nga përmbytjet.

Përfaqësuesja e PD-së Lindita Metaliaj postoi në Facebook pamje na përmbytjet dhe shkruan se Lezha e braktisur nga pushteti qendror dhe vendor.

Sipas saj mijëra hektarë tokë janë përmbytur dhe qytetarët po apelojnë për ndihmë.

Metaliaj deklaroi:

“Askush nuk mban përgjegëesi për këtë katastrofë ndërkohe që reshjet e shumta ishin paralajmëruar nga institucionet përkatesë dhe po vazhdojnë intensive.

Kërkohet vëmendje dhe masa të menjëhershme sa nuk është vonë, pasi situata është emergjente dhe rreziku tejet i lartë.”

Ajo ka bërë një bilanc të dëmeve të deritanishme që ka sjellë përmbytja në këtë qytet.

Ndërkohë të premten reagoi edhe kryetari i bashkisë Lezhë Pjerin Ndreu, i cili tha se situata në qytet është mjaft e rënduar dhe e rrezikshme për shkak të shirave.

Ndreu shtoi se po pret ekipin e emergjencave nga Tirana për të vlerësuar gjendjen. Ai shtoi se po vëzhgohet me kujdes rezervuari i Kallmenit, i cili do të sillte katastrofë nëse dëmtohet.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>