Petulla me mollë për një pasdite të këndshme me fëmijët

Nga JaMystic
Petulla me mollë për një pasdite të këndshme me fëmijët Petulla me molla

JaMystic ju propozon një mënyrë si mund t’i bëni më atraktive frutat për fëmijët tuaj.

Petulla me mollë

Vazhdojnë recetat me mollën sepse ajo është fruti që gjendet më me lehtësi.

Për 4 persona nevojiten:

–3 mollë Golden ose Fuxhi

–1 gotë vaj për skuqje

–2 lugë gjelle sheqer pudër

Për brumin:

–5 lugë gjelle miell

–1 vezë e plotë + 2 të bardha vezësh

–2 lugë gjelle birrë ( Corona:-)

–1 lugë gjelle vaj

–1 majë luge kripë

Në një enë qelqi hedhim miellin vezën e plotë, vajin, kripën dhe i përziejmë me një lugë druri deri sa të laget i gjithë mielli, pastaj shtojmë birrën dhe i përziejmë përsëri.

Do të përfitojmë një lloj brumi pak më të trashë se ai i krepave. E lëmë masën të qetësohet 1 orë. Një orë më pas rahim të bardhat e vezëve me pak kripë dhe ia shtojmë masës së brumit .

Vendosim tiganin me shume vaj në zjarr.

Mollët e qëruara në formë rrethore i zhysim në brumë dhe i vëmë të skuqen në vaj të bollshëm nga të dyja anët dhe i vendosim në leter thithëse për të hequr yndyrën e tepërt.

E përsërisim veprimin me të gjitha rondelet

Në fund i spërkatim me sheqer pluhur.

Jamystic ju këshillon: Kjo recetë mund të bëhet edhe me banane apo dardhë . Rondelet e mollës pasi t’ju hiqni zemrën mundohuni t’i prisni në trashësinë e një monedhe.

Adresa juaj e emailit nuk do bëhet publike.

Lajme te ngjashme