Policia ka gjobitur 579 qytetarë gjatë 24 orëve të fundit, për mos zbatimin e masave kundër Covid-19.
Prej tyre 496 u gjobitën me 3 mijë lekë për mos mbajtjen e maskës në ambiente publike.
Ndërkohë, 83 qytetarë janë gjobitur sepse udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.
Policia gjobiti 4 persona me 10 mijë lekë pasi qarkulluan pas orës 22:00.
Prej 15 tetorit në vend është bërë e detyrueshme mbajtja e maskave në çdo ambient, të hapur e të mbyllur, përveçse në banesa.
Po ashtu, në vend nuk lejohet lëvizja pas orës 20:00, pa leje.
