Politikanët uruan të dielën Ditën e Verës në profilet e tyre në rrjetet sociale.
“Gëzuar Ditën e Verës”, shkroi kryeministri Edi Rama dhe postoi një video me foto nga qyteti i Elbasanit.
Ndërsa kreu i PD postoi një foto duke shkruar “Gëzuar ditën e verës qytetarëve të Elbasanit dhe gjithë Shqipërisë”.
Kryeministri dhe kreu i PD Lulzim Basha vizituan të dielën Elbasanit në Ditën e Verës.
Kryetarja e LSI Monika Kryemadhi e uroi festën e Ditës së Verës nga Gjirokastra ku prezantoi kandidatët në këtë zonë.
“Dita e bukur e Verës nisi sot me të mrekullueshmit e Gjirokastrës. Qoftë një fillim i mbarë për ngrohtësi në çdo zemër dhe familje shqiptare”, tha ajo në Facebook.
Presidenti Ilir Meta dha një mesazh duke shkruar “Pas një Dimri të gjatë e të vështirë, Pranvera po vjen furishëm! Gëzuar Ditën e Verës”.
