Qeveria miratoi fondin prej 4, 2 milionë euro për të rindërtuar banesat dhe pallatet e dëmtuara nga tërmeti i 26 nëntorit, në Kamëz dhe në Kavajë.
Pas dështimit të tenderit të rindërtimit nga Fondi Shqiptar i Zhvillimit (FSHZH), në 10 bashkitë e vendit, qeveria ka vendosur mesa duket të ndajë fondin e rindërtimit sipas bashkive te veçanta.
Më 13 prill, FSHZH anulloi tenderin prej 53 milionë euro për rindërtimin e 2500 banesave dhe pallateve në bashkitë Kamëz, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë.
Arsyeja e anulimit ishte se asnjë prej kompanive garuese nuk plotëson kriteret.
