QSUT: mungojnë ilaçet jetike për të sëmurët me leuçemi

QSUT: mungojnë ilaçet jetike për të sëmurët me leuçemi

Top Channel raportoi sot se “në shërbimin e hematologjisë ku janë të shtruar pacientët me sëmundje të gjakut mungojnë medikamente të rëndësishme që shërbejnë për kimioterapi”. 

Ilaçet që mungojnë janë Mabthera, një flakon i së cilës kushton 1 550 euro; Citozar, Herceptinë dhe citostatike të tjerë ilaçe të kushtueshme.

Në raprotimin e tij Top Channel sqaron:

Mabthera është në farmacinë e spitalit, por ajo jepet në mënyrë selektive dhe nuk u sigurohet sasia e nevojshme. Një pacient duhet të marrë 600 miligram të këtij medikamenti brenda 3 javëve. Gjithsej, 9 flakonë. Por kjo nuk ndodh. Burime të Top Channel thonë se farmacia e QSUT nuk furnizon Shërbimin e Hematologjisë sipas nevojave të pacientëve. Mjekët jashtë kamerave thonë se Mabthera nuk i jepet pacientit atëherë kur duhet dhe në sasinë e duhur nuk bën asnjë efekt përkundrazi dëmton duke krijuar rezistencë ndaj medikamentit.

Ndërsa Citozar është ndër medikamentet bazike që duhet të ekzistojë në spital për pacientët me leucemi akute dhe nuk ka asnjë medikament tjetër që e zëvendëson atë. Por pacientët presin në katin e tretë të spitalit gjashtë katësh dhe nuk kanë ku ta gjejnë pasi dhe në tregun e hapur farmaceutik nuk gjendet. Të afërm të pacientëve të cilët nuk pranojnë të flasin para kamerave thonë se e kanë bërë jashtë Shqipërisë.

Për të mbyllur ciklin e mjekimit pacientët duhet të monitorohen në bazë të analizave por burime të Top Channel thonë se as analizat nuk mund të bëhen pasi mungojnë reagentët. Ndërkohë mjeket hedhin dyshime edhe për cilësinë e antibiotikëve me të cilat është furnizuar ky shërbim.

LEXO  PD akuzon Xhaçkën: Përdor helikopterin e ministrisë për fushatë, 10 mijë euro një xhiro

Lajme te ngjashme