Kryeministri Edi Rama akuzoi Partinë Demokratike se vetëm ka vjedhur gjatë qeverisjes së saj, ndaj vjedhjen e ka në majë të gjuhës.
Në një postim në Twitter, Rama deklaroi se PD sulmon projektin Milot-Fier ende pa nisur gara ndërkombëtare.
“Nuk kam fjalë për gjuhën e turpshme të atyre që duan të qeverisin Shqipërinë e sulmojnë me fjalët më të ulëta projektin Milot-Fier ende pa nisur mirë gara ndërkombëtare!Këta që fjalën e vjedhje e kanë në majë të gjuhës për çdo punë,si duket vetëm kanë vjedhur kur qeverisnin”
Reagimi i Ramës vjen pak pas deklaratës të këshilltarit ekonomik të PD-së, Dorian Teliti, i cili e konsideroi projektin me vlerë prej 1.2 miliardë euro, aferën më të madhe korruptive të qeverisë Rama.
