Kryeministri Edi Rama deklaroi se buxheti i vitit 2021 parashikon rritje të pagave të mjekëve dhe infermierëve.
Gjatë një konference për shtyp, Rama u shpreh se të gjithë familjet në nevojë ekonomike do të marrin dyfish ndihmë ekonomike në vitin 2021.
“Buxheti i vitit të ardhshëm jep mbështetje financiare për ata që janë në nevojë, familjet në ndihmë ekonomike do të marrin dyfishin deri në përfundim të kësaj lufte me armikun e padukshëm. Mjekët, infermierët, gjithë bluzat e bardha do të kenë një rritje të qenësishme të pagës së tyre, po të kthehemi në kohë para 7 vitesh, infermierët paguheshin me 36000 lekë.”
Rama u shpreh se vaksina kundër Covid-19 do jetë falas dhe nuk do të jetë e detyrueshme.
“Po bëjmë luftë për të garantuar vaksinimin falas, nuk do të jetë e detyrueshme por këdo që dëshiron të vaksinohet ajo do të jetë falas.”
