Kryeministri Edi Rama akuzoi të martën Partinë Demokratike se po rrezikon jetën e qytetarëve të Fierit duke inskenuar probleme në shpërndarjen e ndihmave sociale.
PD denoncoi përmes ish-deputetit Luan Baci problemet me shpërndarjen e ushqimeve për familjet në nevojë të komunitetit rom në Fier.
Në një postim në Twitter, Rama e konsideroi çnjerëzore dhe përpjekje për të gënjyer publikun:
“E turpshme nxitja e komunitetit rom për të inskenuar shfaqje të rrezikshme për jetën nga ish-deputetë të caktuar, që paturpësisht gënjejnë publikun, duke përdorur romët si mish për top për të thënë se ja kështu u shpërndakan ndihmat në Fier e gjetkë!”
Baci reagoi më pas duke theksuar se videot ishin dërguar nga banorë dhe se situata ishte e përsëritur edhe në Levan.
Në pamjet e shpërndara nga opozita shihen dhjetëra qytetarë të komunitetit rom të cilët janë grumbulluar në pritje të shpërndarjes së pakove ushqimore nga qeveria vendore.
Zyrtarisht me akt normativ është e ndaluar grumbullimi i njerëzve, kjo si masë kufizuese e përhapjes së epidemisë.
Opozita thekson se pushteti lokal nuk ka treguar përgjegjësi në administrimin e situatës duke rrezikuar edhe jetët e banorëve.
PO NDODH TANI NE BASHKINE FIER.Nje situat e tille, shume e rrezikshme, eshte e perditshme.Organizim i çorganizuar, nga bashkia.Sasia e ndihmave shume e vogel, ne krahasim me nevojat dhe numurin e banoreve.Fieri po rrezikon shume, ne perhapjen e koronavirusit, me grumbullime te tilla, jashte çdo, rregulli duke qene se eshte nje nga bashikit me te prekura nga COVID-19Kete video dhe shume te tjera si kjo, do te bente mire Z Subashi qe tja tregonte dhe Ambasadores Amerikane Znj Yuri Kim dhe mos ta disiformoj.
Gepostet von Luan Baci am Dienstag, 14. April 2020
