Të mërkurën, kryeministri Edi Rama deklaroi në Lushnje se shqiptarët janë të mallkuar sepse sapo fillojnë “ngjitjen e madhe”, rrëzohen.
Kryeminsitri luajti me idenë se për shkak të “mallkimit” sapo qeveria kalon një sfidë, i shfaqet një tjetër sfidë edhe më e madhe.
“Menjëherë sapo ne morëm frymë të lehtësuar sepse u gjetën rrugët për rindërtimin, vjen goditja tjetër, një tërmet që mbylli gjithë botën, futi në krizë superfuqi dhe përsëri u testua karakteri ynë dhe përsëri ne qëndruam,” u shpreh ai.
Kryeministri pyeti se si ishte e mundur që pasi kalojmë sfida kaq të mëdha dhe të mos thyhejmë mallkimin.
Ai përmendi faktin se një vend i vogël si Shqipëria renditej ndër vendet më të zhvilluara për vaksinimin.
“Çfarë e ka penguar shqiptarin, shqiptarët të ishin aty ku e ka vendin? Dora e mbrapshtë e robit, ai zinxhiri i mallkimit,” tha Rama.
Rama aludoi se votimi i opozitës do të ishte një tjetër mallkim që do të pengonte ngjitjen e shqiptarëve.
