Një sërë emrash të njohur, deputet të Partisë Socialiste, kanë bërë të ditur pothuajse njëkohësisht vendimin e tyre për të mos kandiduar në zgjedhjet e 25 prillit.
Largimi i radhës, ai i Eglantina Gjermenit, është njoftuar nga vetë kryeministri Rama më anë të një postimi në rrjetin Facebook.
Ai ka shfrytëzuar Festën e 8-Marsit për të falendëruar Gjermenin dhe Vasilika Hysin për kontributin e tyre në PS, por edhe për atë që Rama e quajti “tërheqjen plot klas nga jeta parlamentare”.
Eglantina Gjermeni ka qenë ministre e Zhvillimit Urban dhe Turizmit në mandatin e parë të qeverisë Rama.
Si fillim kanë qënë deputetët Vasilika Hysi, Besnik Braj e Sadi Vorpsi, që kanë njoftuar largimin e tyre me qëllim për të bërë vend për figura të reja.
Më pas edhe ish-deputeti Alfred Peza, i cili tha se përkundër dëshirës së kryeministrit Rama, nuk e shihte veten deputet në këtë fazë të jetës e aktivitetit të tij.
Në vijim statusi i plotë i Ramës:
“Mirënjohje gjithmonë në këtë Ditë të Gruas
, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PSvlera e kontribute të reja dhe për 12 vjet rresht e përfaqësuan PSme dinjitet e profesionalizëm, në Kuvend e në Qeveri
dhe Eglantina Gjermeni, shumë faleminderit nga zemra për gjithçka dhatë e bëtë në këtë rrugëtim të jashtëzakonshëm dhe faleminderit edhe për leksionin e qytetarisë, mençurisë e mirësisë që u dhatë të gjithëve, me tërheqjen plot klas nga jeta parlamentare, si edhe premtimin për të vazhduar të jeni pjesë e këtij rrugëtimi pavarësisht karriges.“
