Kryeministri Edi Rama premtoi nisjen e vaksinimin masiv në javët e ardhshme. Në prezantimin e kandidatëve për deputetë në Vlorë, Rama u shpreh se po punon për një marrëveshje për nisjen e vaksinimin masiv në javët e ardhshme.
“Kemi marrë konfirmimin për 38 mijë vaksina nesër nga astrazeneca. Po bisedojmë për një kontratë për të nisur vaksinimin masiv javën e ardhshme me objektiv lehtësimin e sezonit turistik.”
Më herët, ministrja Ogerta Manastirliu deklaroi se vendi pritet të marrë 68 mijë vaksina nga kompania AstraZeneca, duke theksuar se synimi i qeverisë është të vaksinojë popullsinë brenda 14 muajve.
Shqipëria ka marrë 32,565 doza të vaksinës së Pfizer. Pritet që të premten të mbërrijnë 38,400 doza të vaksinës AstraZeneca, duke e çuar totalin e vaksinave në 70,965.
Deri më tani janë vaksinuar 21,613 qytetarë.
