Kryeministri Edi Rama ka deklaruar se nuk sheh rrugë tjetër për të siguruar shumicën në zgjedhje nëse nuk e bën i vetëm, pa koalicion paszgjedhor.
Në emisionin “Me Pak Fjalë”, Rama u pyet nëse do të kërkonte koalicion me ndonjë forcë politike pas zgjedhjeve nëse Partia Socialiste nuk fiton 71 mandate deputetësh.
“Ne kemi përballë një konglomerat forcas partish të cilat i lidh një betim: të heqim qafe Edi Ramën. Unë nuk shoh asnjë rrugë tjetër përveç se ne të sigurojmë një shumicë qeverisëse” tha Rama.
Kryeministri shtoi se shkak për këtë është se “nuk ka forca të ndërmjetme.”
“Janë të gjitha forcat që shkojnë kundër meje”, deklaroi Rama.
