Kryeministri Edi Rama do të vizitojë Turqinë në një vizitë dy ditore, pas ftesës së presidentit turk Rexhep Taip Erdogan.
Takimi do të zhvillohet të mërkurën, njofton Drejtoria e Komunikimeve të Presidencës së Turqisë.
Në njoftim thuhet se në takime “do të rishikohen në të gjitha dimensionet, si dhe do të trajtohen hapat që mund të merren për zhvillimin e bashkëpunimit”.
Drejtoria e Komunikimeve të Presidencës së Turqisë njoftoi se në takime gjithashtu do të shkëmbehen “mendime mbi zhvillimet aktuale rajonale dhe ndërkombëtare, si dhe marrëdhëniet dypalëshe”, raporton Anadolu Agency.
