Shtetet e Bashkuara e Amerikës dhuruan të mërkurën pajisje për policinë kufitare shqiptare. Kjo është dërgesa e dytë brenda një jave dhe e treta brenda këtij viti.
Këto pajsije janë pjesë e Programit të Kontrollit të Eksportit dhe Sigurisë Kufitare (EXBS) për Policinë Kufitare Shqiptare.
Ky program ndihmon policinë kufitare që prej vitit 2003, përmes ndihmës trajnuese dhe dhurimeve të pajisjeve për të forcuar aftësitë e Shqipërisë në luftën kundër terrorizmit dhe trafikimit të qënieve njerëzore dhe lëndëve narkotike.
