Paqartësia aktuale në botë dhe ankthi për krizën ekonomike të shkaktuar nga pandemia e koronavirusit mund të nxisë një luftë tjetër botërore, u shpreh drejtuesi i focave të armantosura të Britanisë.
Sipas Reuters, Nick Carter, shefi i Stafit të Mbrojtjes në një intervistë për Sky News, me rastin e ceremonisë së përvitshme përkujtimore për të rënët në konflikte, që prej Luftës së Parë Botërore tha se:
“Unë mendoj se po jetojmë në një kohë ku bota është shumë e paqartë dhe ankthioze, dinamika e konkurencës globale është një karateristikë e jetës sonë, dhe unë mendoj se rreziku real që ne kemi me kaq shumë konflikte rajonale, mund të përshkallëzojë duke sjellë llogaritje të gabuara”.
I pyetur nëse ai e kishte fjalën për një kërcënim nga një tjetër luftë botërore, Carter u përgjigjë: “Unë po them se ka një rrezik dhe ne duhet të jemi të ndërgjegjëshëm për këtë rrezik”.
Carter, i cili u zgjodh shef i ushtrisë britanike në 2018, tha se është e rëndësishme të kujtojmë të rënët në luftërat ë mëparshme si një paralajmërim për të më bërë më të njëjtin gabim.
“Nëse ne harrojmë tmerrin e luftës, atëherë rreziku është që njerëzit të mendojnë se lufta është një gjë e arsyeshme për tu bërë”, tha ai.
“Ne duhet të kujtojmë se historia nuk duhet të përsëritet por duhet të kujtohet për të mos u përsëritur”, përsëriti sërish Carter.
