Katër mjekë dhe infermierë të prekur nga Covid-19 janë shëruar, duke e çuar numrin total mjekëve të shëruar në 6.
Lajmin e dha sot ministria e Shëndetësisë Ogerta Manastirliu.
Mes mjekëve të shëruar janë mjekët e spitalit Shefqet Ndroqi dhe mjeku i spitalit të Durrësit, të gjithë të infektuar nga kontaktet me pacientët.
Ndërkohë në Korçë një mjeke në spitalin rajonal është prekur nga koronavirusi. Nuk dihet ende se nga e ka marrë virusin mjekja. Sipas saj, ajo nuk ka pasur kontakt me asnjë person të prekur me Covid-19 apo të ketë pasur pacient me simptoma të ngjashme.
Sot, tetë kolegëve të mjekes i janë marrë tamponët dhe janë në pritje të përgjigjeve.
Në total deri tani janë shëruar 33 persona, ose 17 për qind, nga 197 të prekur në total.
