Një aksident në ashensorin e një pallati në zonën e Astirit në Tiranë ka lënduar dy gra, njëra prej të cilave është në gjendje të rëndë.
Pak minuta pas mesnate, dy gratë kanë qenë brenda ashensorit kur kavoja e tij është shkëputur dhe është përplasur me fuqi në katin e parë.
Njëra prej të plagosurave është shtatzënë dhe është në gjendje të rëndë në spital.
Policia ka shoqëruar në komisariat administratorin e pallatit dhe përgjegjësin e kompanisë së ashensorëve për t’u pyetur nëse është kryer kolaudimi periodik i detyrueshëm i ashensorit i cili bëhet të paktën 1 herë në vit.
