Pasditen e së martës në disa qytete të vendit u ndjenë lëkundje sizmike.
Sipas të dhënave të qendrës sizmiologjike Europiane Mesdhetare, tërmeti ishte me epiqendër 6 km në Jug të Klosit, me magnitudë 3.9 në shkallën Rihter.
Ai u ndje kryesisht në qytetet e Shqipërisë Qëndrore, përfshirë kryeqytetin.
Java e fundit ka parë shtim të tërmeteve në vendin tonë.
Tri goditje tërmeti u shënuan në veri të vendit, më 15 shtator. Sipas Institutit të Gjokshkenës dy ishin goditje të forta me madhësi 3.4 dhe 4 Rihter me qendër në Shkodër dhe Koplik.
Një goditje e katërt pasoi pa kaluar ende 24 orë po në Shkodër, i shkallës 4.1 Rihter.
Ndërkohë, më herët, një tjetër tërmet 3.8 ballë ra në afërsi të Orikunit në Vlorë.
Fatmirësisht nuk ka dëme në njerëz apo dëme materiale.
