Prokuroria e Posaçme Antikorrupsion ka sekuestruar një hotel në Sarandë dhe një dyqan në Tiranë, në pronësi të Armand Marku dhe Gerti Marku, të shpallur në kërkim ndërkombëtar, për trafik droge.
Ata u dënuan nga drejtësia italiane për pjesmarrje në grup të strukturuar kriminal dhe trafik droge, pas arrestimit në vitin 2014 dhe sekuestrimit të rreth 2 ton drogë të llojeve të ndryshme
Vëllezërit Marku, përmenden edhe në raportin e Europolit, të botuar më 18 shkurt 2021:
“Një tjetër grup i rëndësishëm kriminal i identifikuar nga hetimit është dhe ai vëllezërve Gerti dhe Edmond Marku, të cilët edhe pse të federuar në kartel nëpërmjet Retit dhe të furnizuar me drogë gjithashtu nga Gimi, janë grosistë të mëdhenj të trafikimit të drogës nga Holanda drejt Italisë, Gjermanisë dhe vendeve të tjera të Europës”.
