Studentët i kërkojnë llogari ministres Kushi për plagjiaturën në punimet e saj

Nga Exit News
Studentët i kërkojnë llogari ministres Kushi për plagjiaturën në punimet e saj

Organizata studentore ‘Qëndresa Qytetare’ i ka kërkuar publikisht ministres së re të Arsimit, Evis Kushit, të provojë që artikujt shkencorë, me emrin e saj, nuk janë të kopjuara.

Përmes një proteste, ata i kërkuar Kushit që të përdorë softuerin që ka blerë Ministria e Arsimit për të kryer kontrollin anti-plagjiaturë të punimeve të saj.

Një prej anëtarëve të Qendresës Qytetare, Migen Qeraxhi, u shpreh:

“Dy artikujt shkencorë të ministres së Arsimit janë vënë përpara pikëpyetjes për përmbajtje plagjiaturë. Njëra prej tyre është denoncuar se përmbante deri në 90 për qind të plagjiaturës, edhe shifrat i përkisnin një kontinenti tjetër.

Ne e sfidojmë ministren që të përdorë softuerin që ka marrë në dispozicion, që e ka blerë Ministria e Arsimit për të kryer kontrollin anti-plagjiaturë.”

Akuzat për plagjiaturë u ngritën nga Evis Kushit, pak javë më parë, ditën kur ajo u emërua ministre e Arsimit.

Deri më tani ajo nuk ka bërë asnjë reagim publik ndaj këtyrë akuzave.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>