Studio e konsulencës ligjore Frost & Fire Consulting së fundmi ka përforcuar dhe më tej përvojën e saj amerikane me promovimin e partnerit më të ri, Reshard Këlliçi.
Reshard Këlliçi është tashmë partner në studion Frost & Fire Consulting. Ai është arsimuar dhe licensuar si avokat në Shtetet e Bashkuara të Amerikës dhe ofron një ekspertizë të gjerë në negocimin, financimin dhe zhvillimin e projekteve ndërkombëtare e vendase, me fokus të veçantë në fushat e energjisë dhe infrastrukturës.
Më parë, ai ka punuar si avokat në Shtetet e Bashkuara të Amerikës me një nga dhjetë firmat më të mëdha globale, Hogan Lovells US LLP. Fushat e tij të ekspertizës përfshijnë negocimin e transaksioneve komplekse për sipërmarrje të përbashkëta, bashkime e shitblerje të korporatave globale, financime e zhvillime projektesh, investime dhe menaxhime kapitali, dhe negociata e zgjidhje të mosmarrëveshjeve në Shtetet e Bashkuara të Amerikës, Amerikën e Jugut dhe Evropë.
Me zyrat qendrore në Tiranë, Frost & Fire Consulting është e vetmja studio ligjore në Shqipëri që ka në gjirin e saj partnerë dhe juristë që zotërojnë të drejtën për të ushtruar profesionin në SHBA dhe Shqipëri.
