Tenori Placido Domingo me Covid-19

Nga Exit News
Tenori Placido Domingo me Covid-19

Tenori spanjoll 79-vjeçar Placido Domingo është prekur nga koronavirusi.

Ai njoftoi në faqen e tij në Facebook se është në izolim së bashku me familjen e tij, por se është në gjendje të mirë shëndetësore.

“Kisha ethe dhe kollë, prandaj vendosa të testohem dhe rezultati doli pozitiv” – u shpreh Domingo në njoftimin e tij.

Ai i nxiti ndjekësit e tij që të lanin duart shpesh dhe të mbajnë distancën nga njëri-tjetri.

“Së bashku ne mund ta luftojmë këtë virus dhe të ndalojmë krizën aktuale në mbarë botën,” vazhdoi ai.

Ylli i operës ka pak kohë që ka dhënë dorëheqjen si menaxher i përgjithshëm i Operas së Los Angeles, pas akuzave për ngacmim seksual. Në dorëheqjen e tij ai u kërkoi ndjesë publike akuzeseve.

Ndërkohë Spanja me mbi 28,000 raste Covid 19, e renditur e dyta në Evropë pas Italisë, po përpiqet të kontrollojë situatën emergjente dhe numrin e lartë të të infektuarve.

Adresa juaj e emailit nuk do bëhet publike.

Lajme te ngjashme