Thaçi do të mbrohet në Hagë nga ish-ambasadori amerikan për Krimet e Luftës

Nga Exit News
Thaçi do të mbrohet në Hagë nga ish-ambasadori amerikan për Krimet e Luftës

Presidenti i Kosovës Hashim Thaçi do të dalë në 13 korrik para Dhomës e Specializuara të Kosovës në Hagë, për tu intervistuar për akuzat që rëndojnë ndaj tij për krime gjatë Luftës së Kosovës.

Thaçi do të mbrohet nga avokati amerikan Pierre-Richard Prosper, i cili më parë ka qenë Ambasador Special për Çështje të Krimeve të Luftës në administratën e ish-presidentit Bush, në vitet 2001-2005.

Më herët, në vitet 1996-1998, Prosper ka qenë prokuror për krime të luftës në Tribunalin Ndërkombëtar Kriminal të Kombeve të Bashkuara për Ruandën.

Ai njihet si prokurori i rastit të parë gjyqësor për gjenocidin nën Konventën për Parandalimin dhe Dënimin e Krimit të Gjenocidit, të vitit 1948.

Përveç që e fitoi gjyqin pas 14 muajsh, Prosper solli risi në ligjin ndërkombëtar, ku e bindi tribunalin që ta njohë dhunimin seksual në kohë konflikti si akt gjenocidal dhe krim kundër njerëzimit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>