Turqia dhe Greqia rinisën bisedimet të përqendruara në një numër mosmarrëveshjesh në Detin Egje të hënën në Stamboll.
Të dy vendet nuk bien dakord për një numër çështjesh në lidhje me kufirin detar, hapësirën ajrore dhe të drejtat e energjisë në ujërat midis tyre.
Këto bisedime synojnë përgatitjen e terrenit për fillimin e negociatave të një niveli më të lartë.
Të dy ekipet vlerësuan çështjet nga bisedimet e mëparshme nga 2002 në 2016, si dhe situatën aktuale, zhvillimet e fundit dhe hapat e mundshëm që do të ndërmerren, raportoi Anadolu Agency.
Nga takimi i së hënës nuk u raportua asnjë rezultat konkret, por ai shihet si një hap i rëndësishëm për uljen e tensioneve midis dy vendeve.
Ata gjithashtu u mirëpritën nga administrata amerikane.
Ky është raundi i ri, i 61-të i bisedimeve për eksplorimet në det midis Athinës dhe Ankarasë.
Kryeministri grek, Qiriakos Mitsotaqis tha më herët se ai shpresonte që bisedimet të niseshin aty ku u ndalën në mars të vitit 2016.
Greqia dhe Turqia prej disa muajsh kanë shkëmbyer akuza dhe kërcënime për sa i përket konfliktit për ndërhyrjet e Turqisë në ujërat grekë.
Po ashtu, Turqia ka paralajmëruar se një zgjerim i detit nga ana e Greqisë në lindje do të ishte një shkak për luftë.
