Një valë e tretë e Covid-19 po prek vendet e BE-së duke detyruar qeveritë të marrin masa të tjera shtrënguese.
Shumë vende në BE po përballen me rritje të rasteve ditore.
Shkalla e infeksionit në BE tani është në nivelin më të lartë që nga fillimi i shkurtit, me përhapjen e varianteve të reja të virusit, i cili mendohet se ka ndikuar në rritjen e shpejt të rasteve.
Disa vende d të vendosin masa të reja të rrepta në ditët në vijim- në kontrast me Mbretërinë e Bashkuar, e cila ka filluar të lehtësojë masat.
Italia ka regjistruar më shumë se 27,000 raste të reja dhe 380 viktima të premten.
“Më shumë se një vit pas fillimit të urgjencës shëndetësore, ne fatkeqësisht po përballemi me një valë të re infeksionesh,” tha kryeministri Mario Draghi.
Nga e hëna, pjesa më e madhe e Italisë do të vendoset nën izolim dhe njerëzit do të lejohen të dalin nga shtëpitë e tyre vetëm për arsye thelbësore. Shumica e dyqaneve do të mbyllen, së bashku me baret dhe restorantet.
Në Francë, autoritetet kanë raportuar një situatë të ngjashme. “Çdo 12 minuta natën dhe ditën, një Parisian pranohet në një shtrat të kujdesit intensiv”, tha ministri i shëndetësisë Olivier Véran.
Në Gjermani, 12,674 raste të reja u raportuan të shtunën, një rritje prej 3,117 nga një javë më parë, pasi kreu i agjencisë së sëmundjeve infektive të vendit pranoi se vendi ishte tani në kapjen e një vale të tretë të Covid-19.
Në mënyrë të ngjashme në Poloni, 17,260 raste të reja të përditshme u raportuan të mërkurën, shifra më e lartë ditore që nga Nëntori. Kufizime të reja pandemike ka të ngjarë të shpallen këtë javë, kanë treguar zyrtarët qeveritarë. Polonia tashmë ka vendosur kufizime të rrepta në tubime, shumica e shkollave janë të mbyllura.
Përveç kësaj, të dy Hungaria dhe Republika Çeke kanë raportuar nivele të larta infektimi dhe vdekje nga Covid-19 dhe zyrtarët shëndetësorë kanë paralajmëruar që shifrat ka të ngjarë të përkeqësohen në javët e ardhshme.
