Vasili: Marrim 3 mandate në Vlorë

Nga Exit News
Vasili: Marrim 3 mandate në Vlorë

Nënkryetari i LSI Petrit Vasili i ftuar deklaroi të martën  në një intervistë për televizionin “Vlora News”  se kjo forcë do të marrë 3 mandate në Vlorë.

“Këtu është një skuadër e shkëlqyer që punon, me një grup kandidatësh dhe qindra e qindra njerëz të tjerë që ndodhen në terren nga Konispoli deri në Mifol”, tha Vasili.

Vasili komentoi edhe listën e Partisë Socialiste në qarkun e Vlorës, përballë asaj të Lëvizjes Socialiste për Integrim. Ai tha se “nuk ekziston fjala humbje, nuk ka asnjë vlonjat që të mendohet do votojë listën e hajdutëve por vetëm e vetëm listën e njerëzve të pastër ndershëm”.

“Kë do votojnë  këta që i kanë koleksionuar zullume mashtrim korrupsion dhe drejtësia e kapur nuk i ka dënuar akoma. Korrupsionin dhe mashtrimin e keni  aty sa një mal nuk i kam shpikur unë. Këto janë aty janë fakt qe ulërin”, tha Vasili.

Adresa juaj e emailit nuk do bëhet publike.

Lajme te ngjashme