Kryebashkiaku i Tiranës Erion Veliaj falendëroi kryeministrin Edi Rama, i cili sipas Veliajt po bën të mundur që në çdo bashki të ndërtohet me standarde të njëjta si në Tiranë.
Të premten, duke vizituar punimet për rindërtimin e një shkolle në Kavajë, Veliaj tha se nuk po e dallonte që ishte në Kavajë:
“Nëse nuk do e dija që jam në Kavajë, nuk do dallonte fare nga çdo kantier tjetër shkollash që kemi në Tiranë.
Fakti që me kembenguljen e Edi Ramës të gjithë projektet të rindërtimit po i kushtohet e njëjta rëndësi, si për një shkollë që bëhet në bllok, si për një shkollë që bëhet në Kodër-Kamëz, si për një shkollë që bëhet në Kavajë është një lajm i mrekullueshëm.
Fakti që do kenë përvojën e tyre jetësore që është gjimnazi në një shkollë që ka të njëjtën cilësi si shkollat më të mira në Tiranë është një lajm i shkëlqyer.”
