Kryetari i Bashkisë së Tiranës, Erjon Veliaj i kërkoi Prokurorisë së Posaçme (SPAK) të hetojë kryetarin e PD-së, Lulzim Basha dhe kunatin e tij në lidhje me gjobat që u vendosin bizneseve.
Në një takim në Kombinat, Veliaj u shpreh se gjatë pandemisë e tërmetit Basha u bë me 4 vila.
“Po oligarku tjetër që ka vilat dhe thoshte – krimineli i Edi Ramës, oligarku i Edi Ramës – mori 2 shtëpi atje në kohë pandemie, kur të gjithë njerëzit o i humbën, o iu dëmtua shtëpia, ky u bë me 4 vila”
Ai e quajti PD një bandë duke theksuar se ka shumë pastime në Facebok që i ka hequr kundrejt pagesës.
“Është e vetmja parti politike që po t’i shohësh historikun në Facebook, ka më shumë postime që i ka hequr kundrejt pagesës, sesa ato që ka lënë. Turp i madh. Një parti që është e denjë për emrin bandë, kështu që po ka njerëz te SPAK-u, po ka njerëz në prokurori, këta duhet të zgjohen, se nuk mund të vihet gjobë në çdo biznes dhe thirrja për çdo biznes është: Mos paguani gjobat që ju vë Luli dhe kunati”
