Qeveria Kurti u votua të hënën në Kuvendin e Kosovës me 67 vota pro dhe 30 kundër. Nuk pati asnjë abstenim në votim.
Në votim morë pjesë 107 deputetë. Votimi u mbajt pas fjalës së krerëve të grupeve parlamentare dhe disa nga deputetëve të opozitës.
Lista serbe nuk e votoi qeverinë Kurti pasi kërkonte dy ministri nga një që i është dhënë.
LDK e konsideroi të paligjshme kandidaturën e Albin Kurtit për kryeministër.
Fjala e Albin Kurtit
Në fjalën e tij Kurti tha se Kosova nuk do të bëjë asnjë kompromis.
“Asnjë kompromis tjetër nuk do ta bëjmë, këtë duhet të thënë qartë në çdo tryezë. Orientimi ynë është i qartë me SHBA-në dhe aleanca trans-atlantike do të thellohet. Rruga drejt BE-së mund të jetë sfiduese, por s’ka alternativë tjetër”, tha ai.
Kurti tha se procesi i vetingut në drejtësi do të vazhdojë aty ku kishte mbetur me qeverinë e parë të Kurtit.
“Do të jetë një proces i mirë përgatitur dhe jo hakmarrës që institucionet e vendit të ofrojnë siguri dhe drejtësi”, ka deklaruar ai.
Kreu i LVV tha se qeveria e tij synon vaksinimin e 60% të popullsisë brenda vitit.
Kabineti
Exit zbardhi emrat e ministrave të kabinetit të qeverisë Kurti .
Ministria e Drejtësisë do të drejtohet nga Albulena Haxhiu, ndërsa ajo për Arsimin, Shkencën, Teknologjinë dhe Inovacionin, Arbërije Nagavci
Minister i Shëndetësisë, Arben Vitia
Ministër i Kulturës, Rinisë dhe Sportit, Hajrulla Ceku
Minsitër i Administrimit të Pushtetit Lokal, Elbert Krasniqi
Minsitër i Mjedisit, Planifikimit Hapsinor dhe infrastrukturës, Liburn Aliu
Minsitër i Bujqësisë, Pylltarisë dhe Zhvillimit Rural, Faton peci
Ministër i Mbrojtjes Armend Mehaj
Ministri i Brendshëm dhe për Adminsitratën Publike, Xhelal Svecala
Ministre e Industrisë, Ndërrmarrësisë dhe Tregëtisë, Rozeta Hajdari
Ministre e Ekonomisë, Artane Rizvanolli
Ministër për Zhvillimin Rajonal Fitim Damka
Minsitria për Komunitete dhe Kthime I është rezervuar Listës Serbe
Nga 15 ministra, vetëm 8 janë të LVV.
Zgjedhjet
Lëvizja Vetëvendosje doli fituese në zgjedhjet e parakohshme të 14 shkurtit në Kosovë me 50.28% të votave.
PDK-ja mori 175, LDK-ja 12,73% dhe AAK-ja 7,12%.
Sipas renditjes së vendeve në parlament, Lëvizja Vetëvendosja ka siguruar 58 deputetë. Lista Serbe ka fituar 10 vendet e rezervuara në parlamentin e Kosovës, ndërsa 10 vende u takojnë pakicave jo serbe.
Sipas KQZ-së pjesëmarrja në zgjedhje ishte 48,87%, apo mbi 800 mijë votues.
