Izet Haxhia, i dënuar me 25 vjet burg për vrasjen e Azem Hajdarit, do të ekstradohet në Shqipëri. Vendimin për këtë e dha Gjykata e Lartë në Turqi, ku Haxhia jeton me statusin e azilantit politik.
Azem Hajdari, deputet i Partisë Demokratike, u vra në 12 shtator 1998, pranë selisë së PD-së në Tiranë. Gjatë atentatit mbeti i vrarë dhe Besim Cera, truproja i tij.
Zbardhja e vrasjes së Hajdarit gjatë gjithë këtyre viteve është përfolur shumë në media. Për këtë rast u dënuan vëllezërit Izet, Ismet dhe Isamedin Haxhia dhe Jaho Mulosmani. Asnjë prej tyre se ka pranuar asnjëherë ta ketë kryer veprën.
