Yzeiraj: Rritja e pagës minimale në Shqipëri rrezikon të krijojë pabarazi ndaj biznesit të vogël

Nga Exit News
Yzeiraj: Rritja e pagës minimale në Shqipëri rrezikon të krijojë pabarazi ndaj biznesit të vogël

Rritja më tej e pagës minimale në Shqipëri rrezikon të rrisë pabarazinë në vend që ta rrisë atë.

Ekonomisti Endrit Yzeiraj shpjegoi në emisionin “Me Pak Fjalë” ndikimet në ekonomi e rritjes së pagës minimale.

Ndonëse rritja e pagës minimale duket se sjell përfitime për punonjësit, ajo krijon edhe kosto shtesë  për bizneset. Yzeiraj tha se këto kosto nuk janë njësoj për bizneset në vendet e zhvilluara dhe ato në zhvillim si Shqipëria.

“Në vendet në zhvillim ka patur efekt negativ rritja e pagës minimale”, tha Yzeiraj.

“Kjo – shtoi ai – ka të bëjë me zhvillimin institucional të vendeve.”

“Shumica e kompanive të mëdha në vendet në zhvillim kanë favore dhe lidhje të forta me qeveritë dhe për rrjedhojë kanë të ardhura më të sigurta, shpesh paguajnë paga më të ulta seç do paguanin në një treg kompetitiv dhe imponimi i një page minimale për ta është kosto e lehtë dhe e mënjanueshme.

Nga ana tjetër imponimi i një page minimale për bizneset e vogla të vendeve në zhvillim fillon edhe bëhet kosto e madhe.

Në këtë mënyrë pagat minimale në vend të ulin pabarazinë e rrit atë ndaj bizneseve të vogla.”, sqaroi Yzeiraj.

Ai u ndal edhe tek premtimet e politikanëve në Shqipëri për rritje të mëtejshme të nivelit të pagës minimale. Këto premtime sipas ekspertit nuk janë bazuar në analizat mbi pasojat që kanë por frymëzohen më shumë nga përpjekja për të marrë më shumë vota.

LEXO  Vjosa Osmani: Albin Kurti do të jetë kryeministër

Një nga pasojat e rritjes së kostove për bizneset që Yzeiraj nënvizoi është nxitja e informalitetit në ekonomi, “një plagë që vijon të jetë e pranishme prej vitesh në Shqipëri” dhe që kërkon zgjedhje.

1 koment

Adresa juaj e emailit nuk do bëhet publike.

Lajme te ngjashme