Gjykata e Cagliarit ka urdhërua vaksinimi e dy vajzave 12 dhe 14 vjeç pas mosdakordësisë së dy prindërve. Tgcom shkroi se:
Dy vajza të moshës 12 dhe 14 vjeç u kanë shprehur prindërve dëshirën e tyre për t’u vaksinuar kundër Covid.
Nga kjo kërkesë, lindi një grindje midis nënës, e cila ishte pro vaksinimit dhe babait, që ishte kundër.
Çështja përfudnoi në gjyq në Cagliari, ku Gjyqtarja Chiara Mazzaroppi pranoi padinë e paraqitur nga nëna dhe autorizoi vaksinimin.
Rasti – Siç është raportuar nga Unioni Sardenja, gruaja e paraqiti apelin 10 ditë më parë, më 4 gusht.
Më datë 12, u zhvillua seanca, gjatë së cilës gjyqtarja dëgjoi versionin e vajzave – të ndihmuar në sallën e gjyqit nga nëna e tyre, e cila është gjithashtu avokatja e tyre.
Vajzat thanë se donin të merrnin vaksinën për të “mbrojtur shëndetin e tyre” dhe “për t’u kthyer në një jetë normale”.
Babai, nga ana tjetër, tha se e konsideronte vaksinën të pasigurt dhe një burim pasojash të pakëndshme. Teza e pambështetur nga gruaja e tij.
Në 13 gusht gjyqtarja pranoi kërkësën e nënës, duke marrë parasysh “përfitimet e vaksinimit” që tejkalojnë rreziqet në të gjitha grupmoshat dhe gjithashtu nënvizoi se babai nuk “tregoi ndonjë kundërindikacion për shëndetin e vajzave”.
Pas vendimit vajzat u vaksinuan.
