Deputeti i Partisë Socialiste Pandali Majko, dje në mbëmje, në një intervistë, me gazetarin Sokola Balla, në Top Channel, deklaroi se:
“Nëse përmbajtja e qeverisjes humbet mendoj se do të shkojmë në një numërim mbrapsht drejt zgjedhjeve të reja.”
“Nëse reforma dështon procesi bllokohet dhe Shqipëria hyn në një gjysmë-kaosi politik.”
“Ka një psikologji të dyanshme, nga LSI mendojnë që ne jemi të pabesë kronikë, kurse ne mendojmë që LSI po e shfrytëzon në mënyrë të mbinatyrshme koalicionin, sidomos me punësimet.”
“Nëse e majta qëndron e bashkuar, e djathta nuk shikon ditë të bardhë në këtë vend.”
“Unë mendoj se problemet e Blushit në lidhje me statutin janë të drejta. Kemi parime të shkelura, por mbi to janë mirëqeverisja.”
“Rama mund të ketë shumë të meta, por ky kokëderr i gjatë nuk mund ta qeverisë këtë vend pa bërë atë që mendon se është më e mira. Kokëderra të tipeve të ndryshme kanë qenë edhe Sali Berisha dhe Ilir Meta, në kohët e tyre.”
“Mos më tregojë njeri problemet e statutit, sepse procedurat janë respektuar gjithnjë.”
I pyetur për përshtypjet nga vizita e tij në Washington, Zoti Majko u shpreh se:
“Kanë kritikat e tyre për atë që ndodh këtu, por është një kritikë e dikujt që na mirëkupton për të metat tona.”
