Qeveria shqiptare ka paguar një parapagesë për të siguruar një sasi vaksine anti-Covid sapo ajo të prodhohet.
Duke folur në kuvend, Rama tha:
“Kemi paguar kaparin për COVAX, kemi prenotuar për të marrë vaksinën dhe jemi në komunikim të përditshëm me BE-në.”
Në 11 nëntor, dhe presidenti Meta dekretoi marrëveshjen mes Shqipërisë dhe aleancës GAVI për të marrë së bashku me rreth 80 shtete të tjera vaksinën kundër Covid-19.
Në kuadër të kësaj marrëveshjeje, e quajtur Covax, shteti shqiptar do të paguajë fillimisht 4 milionë dollarë.
Fillimisht do të merren 1 milionë e 140 mijë doza vaksinash, të cilat do të përdoren për personat mbi 60 vjeç, staf mjekësor dhe personat me sëmundje bashkëshoqëruese.
Ndërkohë qeveria ka programuar rreth 12 milionë dollarë nga buxheti i shtetit për sigurimin e vaksinës.
