Pa aleatët, Partia Demokratike vlerësohet se ka marrë rreth 35,46% të votave në të gjithë vendin, në zgjedhjet e 25 prillit.
Ky rezultat është rreth 50 mijë vota më i ulët se ai i vitit në 2009 (610 463 vota), por rreth 30 mijë vota më i lartë se ai i vitit 2013 (528 373).
Viti 2017 është një rezultat shumë i ulët, me të gjithë aleatët, PD mori vetëm rreth 456 481 vota.
Në përqindje, në vitin 2009, PD mori rreth 40,19% të votave totale në vend, në vitin 2013 rreth 30,63% dhe në vitin 2021 rreth 34,43% të votës totale.
Koalicioni i PD-së në vitin 2021 ka marrë më pak vota (622 265 vota) se koalicioni i PD-së në zgjedhjet e vitit 2013 (680 677 vota) dhe edhe më pak se ato të vitit 2009 (712 745).
Në përqindje, në vitin 2021 koalicioni PD-AN mori rreth 39,43% të votave në vend përkundrejt rreth 39,46% në vitin 2013 dhe 46,92% në vitin 2009.
PD e vetme ka marrë rreth 208 574 vota ose 37% më pak vota se PS (768 250) në zgjedhjet e fundit.
Krahasuar me Partinë Socialiste, koalicioni opozitar PD-AN ka marrë rreth 146 mijë vota më pak. Në fakt, PS e vetme ka marrë 38 449 vota më shumë se koalicioni PD-AN dhe LSI të marra së bashku.
Marrë nga emisioni ‘Me pak fjalë’, në Euronews.
