SHBA dërgoi dy të afganë të evakuuar në Kosovë për vlerësim të mëtejshëm pas mbërritjes në SHBA, thanë dy burime për NBC News.
“Shumë njerëz u zhvendosën shumë shpejt dhe autoritetet e inteligjencës kanë punuar shumë për të vlerësuar nëse ndonjë prej tyre përbën një kërcënim”, tha një zyrtar i lartë i zbatimit të ligjit federal.
“Disa nga verifikimet ndodhin ndërsa janë jashtë shtetit, dhe disa prej tyre ndodhin këtu. … Ne nuk do të lejojmë që njerëzit tëdalin nga kampet qëllimisht nëse kanë informacione të dyshimta për ta, ”shtoi burimi.
Burimet thanë se të dy do të dërgohen në Kosovë për shkak të një të dhëne në profilin e tyre që krijon shqetësim të mjaftueshëm për të kërkuar rishikim të mëtejshëm, por kjo nuk do të thotë se njerëzit u kthyen prapa për shkak të frikës nga kërcënimet terroriste.
Nga evakuimet, 30,000 Afganë tani janë në SHBA, 10,000 prej tyre i nënshtrohen kontrollit shtesë, 100 janë nën shqyrtim për lidhje të mundshme me talebanët dhe vetëm dy u dërguan në Kosovë për më shumë vlerësime, sipas burimeve.
Shumë nga të evakuuarit afganë kanë ardhur në Aeroportin e Dulles në Uashington, DC.
SHBA bën shqyrtime shtesë sapo ata mbërrijnë në SHBA edhe pse shumica janë verifikuar disa herë para se të nisen nga Afganistani.
Disa nga shqyrtimet shtesë gjetën individë që kishin kryer vepra penale për të cilat ishin dëbuar më parë nga SHBA-të, sipas burimeve. Departamenti i Sigurisë Kombëtare nuk ka vendosur ende se çfarë të bëjë me ata individë, sipas NBC News.
Një zëdhënës i Departamentit të Shtetit nuk komentoi dy individët specifikë që u dërguan në Kosovë, por tha, “ata që nuk janë në gjendje të hyjnë menjëherë në Shtetet e Bashkuara, zhvendosen në vendet e treta për përpunim të mëtejshëm”.
“Afganët e dyshuar do të qëndrojnë në qendrat e tranzitit për periudha deri në 10-14 ditë, ndërsa ne bëjmë marrëveshje për t’i zhvendosur ata në Shtetet e Bashkuara,” shtuan ata.
Mijëra aleatë afganë u evakuuan nga Afganistani, shumica e tyre kanë viza të veçanta emigracioni për në SHBA për shkak të punës së tyre me qeverinë amerikane.
